周二凌晨欧洲波继续上演，等阿King同大家讲讲过关心水。其中意甲压轴战，国际米兰主场斗基尔禾，国米为保前4已无失分空开，呢场面对已经铁定降班嘅基尔禾，相信以国米鼎盛阵容，绝对够卡士大炒一场，让球主胜值博。
（MyTV Gold 301、Now 638、有线614及654台周二凌晨3时直播）
国米近期战绩麻麻，连续4场主场都赢唔到，令前4形势又再出现险情，不过睇真啲，呢4场波嘅对手係祖云达斯、罗马、阿特兰大等前列分子，失分都无可厚非，目前佢哋联赛尚余3仗，今晚对住由负分起步，如今笃定降班嘅基尔禾，赢波3分志在必得，加上佢哋嘅射手莫路伊卡迪为博表现争入阿根廷国家队出战美洲盃，遇弱肯定抢住数胡，即使今仗要让两球照捧让球主胜。
诺高平哥登堡演惯大骚
跟住再睇两场北欧波，首先瑞典超有诺高平主场面对哥登堡。哥登堡今季踢法进取，开咧7仗有6次开3球或以上，入球大值得留意。讲到挪超史卓加斯特主场迎战维京，上季勉强护级嘅史卓加斯特始终未能摆脱飘忽表现，好彩维京作客都唔算出色，两队水斗水宁愿转捧细盘好过。