今晚西甲有场独脚戏，爱斯宾奴主场硬撼3哥皇家苏斯达。爱斯宾奴虽要为护级抢分，但主场战绩不济，有地利都难睇好；皇苏上轮输波一肚气，誓要搵「私房菜」发泄，一於捧客胜。（周二凌晨4时开赛）
爱斯宾奴主场冇威力
位处下游嘅爱斯宾奴，复赛後略有起色，近6场联赛取得2胜3和1负，包括作客打和同市宿敌兼榜首巴塞隆拿。不过佢哋主场就失威啲，今季10仗主场联赛，只得2胜4和4负，主场成绩排尾3，而且仅入12粒，攻力疲弱，上仗喺地头打和奥沙辛拿1比1之役，更有後衞皮尔加比尔被逐，今晚要坐波监，可谓雪上加霜。
另一边厢，皇苏今季异军突起杀入前3，虽然上轮爆冷输畀弱旅华拉度列，令7仗联赛不败走势告终，但查实全场揿住对手嚟攻，赢形势输波坚唔够运，就算老将大衞施华有伤未必出得，但「日本美斯」久保建英已凭表现站华