首都雙雄出擊 馬體會做大騷
今晚西甲馬德里雙雄分途出擊，先有馬德里體育會主場再鬥利雲特，馬體會近期防線跌Watt，近6仗5次開3球或以上，要2.5球入球大。（Now 632周六晚11時15分直播）尾場皇家馬德里作客華拉度列，主隊近6仗主場5次半場落後，捧皇馬半場客勝。（Now 632周日凌晨4時直播）
先講榜首馬體會作客利雲特，馬體會成績優異全賴硬淨防線，不過近期防守稍見跌Watt，近6仗失咗8球，好在佢哋進攻依然勇猛，今季聯賽22場入45球，場均入球超過2球，火力驚人，剛滿34歲嘅烏拉圭射手蘇亞雷斯就有16球進帳。其實「阿蘇」周中補賽曾攻破利雲特大門，但被判越位食「詐胡」，今次再遇同一對手，要取得入波絕非難事。利雲特上仗藉伊尼斯巴迪希攻破馬體會大門搶得1分，今仗自然想「添食」，經過周中剛交手，雙方洞悉彼此漏洞，有助兩軍駁火，2.5球入球大捧得過。
華拉度列主場冇威力
尾場皇家馬德里作客華拉度列，「銀河艦隊」傷兵眾多，球隊踢法反而變得務實，唔會輕易浪費機會，聯賽3連勝漸見回穩，幾位主力如賓施馬及雲尼斯奧斯祖利亞都有水準演出。華拉度列由「大哨」朗拿度做班主，但近幾季都要護級，今季亦唔例外暫時排喺第18位。佢哋近6仗主場有5次半場落後，毫無地利可言，經常喺早段就失守，皇馬半場勝有計。【华体网波经频道】