您的位置:华体波经 >> 港澳报刊 >> 太阳日报太阳拆局 >> 详细内容

    多蒙特史浩克大激斗

体育焦点赛事比分直播频道及预告
3月9日00:30 曼联vs曼城 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播

鲁尔区打吡一定精彩!
停摆咗两个月嘅德甲,今晚终于回归喇,仲立即爆发重头戏兼至激鲁尔区打吡,「2哥」多蒙特喺主场火併死敌史浩克04。正所谓仇人见面分外眼红,唔理对方排名差几多位,佢哋每次碰头都踢到飞沙走石;多蒙特係今季德甲主场王,以艾宁夏兰特、查顿辛祖为首嘅锋线火力全开,不过史浩克每逢打吡战特醒,胜负难料之下,不如转玩中位数3.5球嘅入球大。

(无綫85台、Now 671、有线652及612台周六晚9时30分直播)

季初表现飘忽嘅多蒙特,转捩点正係歇冬期间签入挪威箭头艾宁夏兰特,佢不愧为多间大会争抢嘅超人气新星,8次联赛披甲已经轰入9球,更加全面激活杜根夏萨特、查顿辛祖及祖利安白兰特等前线队友。查顿辛祖以14粒兼交出16个助攻嘅战绩,成为今季5大联赛中,製造入波第2多嘅球员,仅次于巴塞球王美斯。主帅法夫尔呢招以攻代守,协助多蒙特停摆前8场联赛豪取7胜1负,更狂轰27球,升番上2哥位。

大后备变身心理学家
除此之外,「蜜蜂兵团」亦係德甲主场王,今季联赛12次主场出击,取得9胜3和未输过。但要留意佢哋依家伤兵满营,队长马高列奥斯、韦素、安利简恩、萨加度仍未好番,后3人若果缺阵,对防守影响极大。同时多蒙特嚟到同拜仁争冠军重要时刻,球会特别搵咗心理专家拉奥斯同球员做辅导。呢位专家其实係2002年多蒙特攞德甲冠军嘅功臣之一,不过当时只係大后备门将,因此大把时间读书,结果修读心理学毕业,搵佢辅助多蒙特球员啱晒啦!

至于「6哥」史浩克04,竟喺停摆前7场联赛未赢过,不过突如其来嘅疫情,畀到佢哋喘息机会,而对于「矿工」嚟讲,每季最唔输得嘅两场波就係鲁尔区打吡,因此今场一定分外搏命。双方近8次交手,「矿工」录得2胜5和仅1败,战意爆灯,而且中场主力苏奥沙达及时好番,阵容复整,更加唔会坐以待毙,藉打吡战打场翻身波。翻查纪录,多蒙特近4次喺主场出战打吡,其中3场开4球或以上,包括近2次合共炮製14个士哥,坚係夸张,大家都唔想喺打吡失威,预计会继续斗攻,再演入球骚机会高唱入云。

    另类波经 更多>>

    最新完场正在直播live!