您的位置:华体波经 >> 港澳报刊 >> 太阳日报太阳拆局 >> 详细内容

    多蒙特抢缰攻到你

体育焦点赛事比分直播频道及预告
8月9日03:00 拜仁vs切尔西 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播

新兵太劲争位激烈.
德国盃8场16强赛事安排今明两天上演,首日重头戏係转会巿场大赢家多蒙特,作客韦沙球场扑击德甲尾3嘅云达不来梅。多蒙特歇冬期增援工作做到冇得更好,挪威超新星艾宁夏兰特只花半个月时间已经征服整个欧洲,今场仲有另一新援安利简恩準备首度亮相,搞到原有球员个个抢缰,争位踢情况空前激烈,今仗就算略作轮换都无损争胜决心,让得起志在护级无力分心盃赛嘅不来梅。多蒙特让一球,黑柴撑上盘。

(香港开电视77台、有线661及601台周三凌晨3时45分直播)

多蒙特歇冬后3战全胜之余,仲每仗都攻入5球,夏兰特喺113分钟内攻入7球当然夸张,但另一超新星查顿辛祖亦愈战愈勇,今季德甲上阵18场交出12个入球同13次助攻,製造入球能力喺5大联赛排第1,多蒙特多得佢哋嘅超凡贡献,但同时亦对原有球员构成巨大压力,上周末主场大炒柏林联5蛋嘅赛事,教练法夫尔喺大局已定下,下半场先后换走皇马借将阿舒拉夫同队长马高列奥斯,两人离场时都非常不满,阿舒拉夫狂踢水樽,列奥斯亦大力将护腕布带摔落场边草地洩愤,可见佢哋对自己嘅表现唔满意之余,对未能踢更多时间亦极度失望,佢两个今仗都会担正,肯定会将呢股愤怒转化为动力。

不来梅料留力护级战
多蒙特主帅法夫尔会喺今仗作出轮换,杜根夏萨特、尼高舒侯斯同小将萨加度呢啲边缘球员料会担正,焦点人物夏兰特会返后备席候命,不过以佢嘅入球效率,就算只係踢30分钟都足以带嚟关键胜利。

不来梅今季攻守都差,会方坚决支持少帅高菲特,认为问题唔喺佢度,可见球员质素所限好难搞,歇冬期虽然借得中坚奇云禾治同前锋戴菲沙尔基帮手,但以近两仗表现所见佢哋要护级都非常艰辛,嚟紧星期日主场对柏林联嘅护级战更为重要,今仗若然战况不利,随时留番气力下仗好过。

    另类波经 更多>>

    最新完场正在直播live!