您的位置:华体波经 >> 港澳报刊 >> 太阳日报太阳拆局 >> 详细内容

    慕逊加柏势炒杜塞尔多夫

体育焦点赛事比分直播频道及预告
11月17日08:00 阿根廷vs墨西哥 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播

今晚德甲莱茵河打吡,慕逊加柏主场对杜塞尔多夫,两军除咗係邻居外亦有过牙齿印,慕逊加柏近期接连大败顶住道气,强项主场遇仇家肯定出尽饮奶力洩愤,让球盘主队让到一球、球半摆明有信心,一于撑上盘。呢场波东网请嚟「苏鸡」苏肇朗同大家旁述,记得準时上东网睇波啦!

 

 

(on.cc东网周日晚10时30分直播)

2013年打过官司变世仇

 

两军大本营都喺莱茵河下游,但绝对唔friend,仲喺2013年打过官司,当时杜塞尔多夫向慕逊加柏借用后衞杜比亚斯李维斯,合约列明借用费每年5万欧元,借用期满杜塞尔多夫有权以20万欧元买断,结果杜军借用完1年后决定收购,但只畀咗买断费,之前嘅借用费就缩骨唔肯畀,结果因为小额金钱要闹上法庭,自此之后慕逊加柏每逢呢个打吡戏码都唔客气,睇番佢哋近8次主场对杜塞尔多夫7胜1和,当中有6次炒对手两球或以上,而且大比数纪录甚多,证明佢哋几咁讨厌呢个贫穷邻居。

 

 

慕逊加柏啱啱喺德甲同德国盃连败,两场共失8球,球队急于反弹。好在佢哋主场踢德甲一向有保证,除咗係今季唯一主场全胜球队(4场),仲已经跨季7连胜,今晚更有高价射手柏利亚伤愈候命,当然希望尽炒死敌啦。

杜军王牌射手仲未开斋

 

杜塞尔多夫係上届德乙冠军,但升班都无力扩军,计全队身价係全德甲最平一队,佢哋升班后最贵收购,係以200万欧元买入咗上届德乙神射手杜基斯治,呢位24岁多蒙特青训产品,上季为基尔取得18个入球,不过佢嘅能力亦正好係杜塞尔多夫嘅写照,喺德乙打横行,上到德甲就完全唔掂,今季佢9轮联赛都有踢,至今仲未开斋,人生仲未试过喺德甲入波,加上球队近5轮德甲全败,近4轮每场最少都输两粒,今晚作客好可能再被大炒。
 

    另类波经 更多>>

    最新完场正在直播live!