您的位置:华体波经 >> 港澳报刊 >> 篮球新报 >> 详细内容

    葡萄牙伊朗奎罗斯做主角

体育焦点赛事比分直播频道及预告
6月17日23:00 德国vs墨西哥 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播

世界盃B组葡萄牙同伊朗,两队表面上毫无关係,但其实係一脉相承!事关伊朗领队就係葡萄牙人奎罗斯,佢曾经两度执教葡军,两队今届抽入同组,增添戏剧性色彩,但到底会係喜剧、悲剧、定係闹剧呢?大家拭目以待。

C朗争做「完美球王」
葡萄牙2年前以「半爆冷」姿态捧欧国盃冠军,令巨星基斯坦奴朗拿度(C朗)球员生涯进一步「神化」,所以就算葡军係一人球队,只要C朗在阵,都足以化腐朽为神奇。呢位超级射手已经年届33岁,好大机会最后一次出战世盃,能否捧埋冠军,进化「完美球王」就睇今铺!

葡萄牙2016年欧国盃由分组赛杀入决赛,踢咗7场比赛,仅有1场喺法定时间90分钟内赢波,但仍然成为最终赢家,可见要夺得大赛锦标,唔止靠实力,仲要有运。葡萄牙拥有「人生赢家」C朗,未踢已先赢运势。呢位皇马射手刚过去球季,表现经历先低后高,下半季大爆发,重拾入球机器本色,刚好以巅峰状态,迎战决赛周,相信葡萄牙唔会重演「不胜晋级」嘅尴尬情况。事实上,葡萄牙今届身处B组,真正对手只有西班牙,另外2队伊朗及摩洛哥威胁有限,要出线并唔难。

贝拿度施华帮到手
睇番葡萄牙今次大军名单,保留大部分欧国盃冠军班底,最大改变係C朗好兄弟拿尼落选,取而代之係曼城中场贝拿度施华,呢位23岁新星今季英超有6球进帐,最重要係拥有优秀阅读球赛能力,有佢负责组织攻势,可分担C朗压力,随时成为球队新催化剂,为葡萄牙製造惊喜。

丧泊大巴偷鸡抢分
亚洲代表伊朗之前4次出战世界盃决赛周,全部分组赛出局,今届能否取得突破,还看主帅奎罗斯。

奎罗斯最为人熟悉係担任曼联传奇主帅费格逊嘅副手,喺费Sir身上学到唔少嘢,更因此获皇马委任为教练,教波资历深厚。事实上,奎罗斯曾于1991至93年、2008至10年执教葡萄牙,见证葡国两个黄金一代冒起,今届带领伊朗倒戈,奎罗斯百般滋味在心头。

奎罗斯执教伊朗7年以来,最煞食武器一定係防守,当中喺世界盃亚洲区外围赛第3圈,10场比赛仅失2球,成为12队之中唯一不败之师。由于伊朗係B组之中实力较弱嘅一队,预料只能「泊大巴」,以抗衡西班牙及葡萄牙,希望守和有分落袋。

入波靠晒阿斯蒙
至于伊朗想赢波,好可能要靠对摩洛哥一战,入波希望摆喺阿斯蒙身上,呢位23岁前锋有「伊朗美斯」之称,现时效力俄罗斯球队鲁宾卡山,喺今季俄超有6球进帐。

阿斯蒙同阿根廷美斯刚好相反,佢踢国际赛特别醒神,为伊朗上阵31场射入23球,排国家队历史射手榜第5位。另外,效力荷甲海伦芬前锋高查尼赫特、英冠诺定咸森林中场迪查加,都有一定斤両,值得留意。
 

    另类波经 更多>>

    最新完场正在直播live!