[太阳拆局] 欧协:14战13胜！踢欧协联超晒班 韦斯咸冠军手到拿来-华体网sportscn.com

今晚於中立场捷克上演嘅欧协联决赛，意甲劲旅费伦天拿硬撼英超「锤仔帮」韦斯咸。虽然费伦火力强劲，但「锤仔帮」今届14仗欧协联赢咗13仗，实力超晒班，有力赢波捧盃，一於捧韦斯咸「冠军」。（Now 643周四凌晨3时直播）

费伦天拿喺今届欧协联狂轰36粒，火力冠绝群雄。不过「紫百合」最大问题系防守，踏入淘汰赛後打咗8仗，只得两仗能够保持不失，8强首回合作客大胜列治普斯纳4比1，谂住实食冇黐牙，点知返主场竟然先失3球，总比数畀对手追平，好彩佢哋之後连入两球，最终才能够惊险晋级。

费伦天拿防线欠稳
费伦跟住4强首回合赛事，喺先开纪录下，再遭巴素利反胜，次回合要打到加时先能够赢波出线，连同早前意盃决赛对国米，早早入波下反胜为败，以尼高拉米连高域为首嘅防线欠稳，成为今仗大战嘅隐忧。

安东尼奥脚风顺
另边厢详细看华体网，韦斯咸喺欧协联如虎入羊群，连同外围赛在内，今届14仗豪取13胜1和从未输过嘅佳绩，前锋米查利安东尼奥近6仗欧协联入5粒，脚风奇顺，仲有查洛保云、宾华马、卢卡斯柏基达等後上支援，攻力绝不逊色；防守方面14仗只失8粒，比失咗17球嘅「紫百合」更稳阵。唔计1999年图图盃，「锤仔帮」自从1965年勇夺欧洲盃赛冠军盃後，未尝称霸欧洲赛，为一搔58年之痒，今仗必定搏甩髀，捧佢哋夺冠。