您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]英联赛杯:红军出副选大走诺域治

体育焦点赛事比分直播频道及预告
10月24日23:30 曼联vs利物浦 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
英联杯第三圈开打,今轮有多场英超对碰,包括今晚嘅诺域治对利物浦。利物浦对英联杯无乜兴趣人所共知,高普通常会用年轻球员及副选上阵,诺域治或者有机会入波甚至偷鸡,今场玩红军赢波或者晋级都有风险,睇番两军往绩,近10次交手8次开3球或以上,转玩2.5入球大更佳。

(开电视77台、有线661及601台周三凌晨2时45分直播)



红军领队高普近年都系积极喺联赛同欧联发展,喺本土杯赛就尽量畀年轻球员发挥,其实呢种分工都系好事,唔使踢来踢去都系嗰班人,又可以畀年轻人上位,不过就搞到红军喺英联杯张成绩表唔系太靓,近4季最多杀入8强,对上一次捧杯更已经系2012年。


今场预料情况冇变,由于正选已经有唔少伤兵,包括罗拔图法明奴、哈维艾利洛、阿历山大阿诺特等,高普绝对唔会冒险派太多常规正选上阵,预计奥历治、阿历士张伯伦、居迪斯钟斯、占士米拿及祖尔麦迪比等会获得机会。不过又唔好睇得佢哋太低,奥历治同居迪斯钟斯上届英联杯频频有斩获,攻力唔差。


诺域治英超5战全败,理论上唔想分心杯赛,不过球季啱啱先开始,对住明知会「让车马」嘅利物浦,冇理由未踢先举手投降,事实上双方近年交手,「金丝雀」往绩虽然系差,但都不时入到红军波,今场似乎玩入球大更好。


曼城丧炸甲组仔


至于卫冕嘅曼城就会主场对甲组仔韦甘比。双方实力差天共地,「蓝月亮」赢波晋级毫无难度,英国传媒报道,养伤一段时间嘅奇云迪布尼同菲尔科顿有机会今场复出,绝对系超晒班,曼城近4场主场3次开5球,入球大值得留意。

(有线662及602台周三凌晨2时45分直播)

    另类波经 更多>>

    最新完场正在直播live!