今晚車路士英超早場主場鬥西布朗。車仔焦點人物當然係撻晒大Q嘅德國前鋒迪姆華拿，今場杜曹或會收起佢，事實上，車仔唔少球員都要踢「太公波」，體力肯定受到影響，而且佢哋下周又要出戰歐聯8強，即使對住尾2嘅西布朗，相信都唔會大炒，但求3分落袋就算，佢哋近10場只失1球，今場捧2.5球入球細係最佳選擇。
（Now 621周六晚7時30分直播）
車仔球員喺啱啱攞咗英超3月最佳領隊嘅杜曹調教下，表現良好，亦成為國家隊大戶，連U21在內，英格蘭召入列斯占士、美臣蒙特、芝維爾及赫臣奧杜爾，基奧特、尼高路簡迪、葛特蘇馬入選法國大軍，迪姆華拿、夏維斯及魯迪格要為德國效命，仲未計安達斯基斯坦臣（丹麥）、艾馬臣柏美尼（意大利）、高華錫（克羅地亞）及基斯甸普列錫（美國）。
車路士成日畀人笑係「前鋒墳墓」，迪姆華拿加盟後真係冇乜起色，代表德國鬥北馬其頓門前撻大Q真係信心盡失，今仗杜曹應該會避用佢。不過「杜Sir」本身有一套體系，原則上放邊個落去都一樣，所以唔會影響發揮，預料佢會沿用3中堅及雙翼衞踢法，雖然前線入波唔多，但失波亦少，近10仗只失1球，全部開2球或以下，對西布朗夠殺有餘。
西布朗專心死守
排尾2嘅西布朗14場英超作客只得7分入11球，肯定無力對車仔後防造成威脅，今仗只能專心死守，期望減少失球。不過，車路士下周要喺歐聯8強首回合鬥波圖，今場亦會見好就收，預料只會小勝而回，讓球主客和去到「-2」太多喇，寧捧2.5球入球細。【华体网波经频道】