您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]曼城爆廠捧客W

体育焦点赛事比分直播频道及预告
3月7日1:30 拜仁vs多特蒙德 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
今晚英超重頭大戰,阿仙奴主場硬撼1哥曼城。「藍月亮」曼城各項賽事合計豪取17連勝,弗到漏油,最恐怖係主帥哥迪奧拿派出任何一位球員上陣都照贏,順到冇朋友,依家連奇雲迪布尼同阿古路都傷愈可以候命,加上近10次碰頭,曼城贏咗9次,擺明食住「兵工廠」,今場客勝熱得有道理。

(Now 621及611周一凌晨零時30分直播)


曼城自上年12月中擊敗修咸頓後,各項賽事合計連贏17仗,繼續刷新英格蘭球隊於頂級聯賽最長連勝紀錄,就算2月硬仗連場仍然保持托弗狀態,連挫利物浦、熱刺同愛華頓。未計今輪賽事,「藍月亮」以10分甩開次席曼聯,奪標機會高唱入雲,難怪足智彩曼城冠軍賠率熱到爆燈,眾將定必希望喺阿仙奴身上全取3分,將優勢進一步擴大。



球員托弗點變陣都得


「藍月亮」最恐怖嘅地方,就係主帥哥迪奧拿用任何一位球員都即刻入局,魯賓戴亞斯加盟後確實令防線鞏固,但佢近期不時因病缺陣,改用拿樸迪拍住史東斯又冇乜甩漏,祖奧簡斯路無論出任左、右閘一樣出色,同時史達寧及菲爾科頓頻有進帳,將前鋒阿古路及加比爾捷西斯因傷缺陣嘅影響減到最低。「耶穌仔」早前已經復出,阿古路近日同奇雲迪布尼亦傷愈,呢位阿根廷箭頭之前11次對阿仙奴攻入8粒,由於曼城嚟緊周中要出戰歐聯16強首回合對慕遜加柏,唔排除會輪換畀「阿古獸」上陣,佢對「兵工廠」嚟講絕對係極大威脅。


跌Watt阿仙奴體力輸蝕


阿仙奴近4場聯賽僅1勝,所贏只係有前冇後嘅列斯聯,更喺領先4球下,被對手連追兩球,最終雖贏4比2,但反映出防守唔夠集中嘅問題仍然存在。而且「兵工廠」上周中於歐霸32強首回合惡戰賓菲加打和1比1,奧巴美揚屢失良機令佢哋未能贏波,嗰場喺中立場羅馬上演,令阿仙奴比周中留喺英國出戰聯賽嘅曼城少1日休息,體力輸蝕。翻查紀錄,雙方各項賽事近10次對壘,曼城豪取9勝1負,單計聯賽更7連勝,明顯食住「兵工廠」,今仗有力乘勝追擊。【华体网波经频道】
    另类波经 更多>>

    最新完场正在直播live!