您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]皇蘇降魔先下手為強

体育焦点赛事比分直播频道及预告
3月7日1:30 拜仁vs多特蒙德 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
坐擁多名英超兵熟晒路
歐霸盃32強首回合重頭戲,西甲代表皇家蘇斯達於中立場意大利都靈火併紅魔鬼曼聯。「皇蘇」今季表現令人喜出望外,而且陣中有大衞施華、蒙利爾及倒戈嘅贊奴沙多名前英超兵,面對紅魔戰意十足;曼聯後防不穩成為降格歐霸嘅致命傷,加上近9次喺歐洲賽鬥西甲球隊未贏過,曼聯讓波不值博,波童捧「皇蘇」下盤。(myTV Gold 303、Now 643、有線656及616台周五凌晨1時55分直播)

由於多個國家受疫情影響實施出入境限制,包括今仗在內,多場歐霸盃32強首回合均需移師中立場舉行;皇家蘇斯達今屆分組賽曾經作客1比1打和意甲代表拿玻里,對於喺意大利比賽唔會感到陌生,佢哋目前喺西甲排第5位,成績僅次4支打入歐聯16強嘅傳統勁旅馬體會、皇馬、巴塞及西維爾,表現絕對唔曳,攻擊組合奧耶沙巴爾及阿歷山大伊沙克今季各項賽事合共轟入20球,其中更包辦咗球隊近5仗9個入波,腳風大順,絕對有力威脅紅魔大門。

皇家蘇斯達中場贊奴沙曾喺2013至2017年期間效力紅魔鬼,今次倒戈要打爭氣波,何況陣中仲有前曼城中場大衞施華及前阿仙奴左閘蒙利爾,對住昔日宿敵肯定唔會放軟手腳。

曼聯近年對西甲球隊未威過
曼聯由歐聯降格踢歐霸,歐聯分組賽作客輸畀巴沙克舒希及RB萊比錫最為關鍵,一旦離開主場出戰歐洲賽,表現始終畀唔到人信心。曼聯今屆6場歐聯分組賽入15球,可惜當中只有1場冇失波,加埋失10球,如果計埋上屆喺歐霸盃4強輸畀西維爾,曼聯近7場歐洲賽只獲3勝4負,顧得進攻搞唔掂防守;仲有一點要留意,曼聯近9次喺歐洲賽對西甲球隊法定時間只得3和6負,無論對住班霸級數嘅巴塞、皇馬,抑或實力次一級嘅華倫西亞及切爾達,紅魔都攞唔到任何甜頭,似乎西甲球隊嘅細膩踢法正係紅魔剋星,曼聯讓波寧博下盤。【华体网波经频道】
    另类波经 更多>>

    最新完场正在直播live!