（Now 632周日凌晨4時直播）
連同盃賽在內，巴塞之前12仗有11場係作客或中立場比賽，都咪話唔攰呀，雖然佢哋近期戰績唔曳，但西超盃失冠、西盃4強首回合對西維爾亦淨吞兩蛋，反映出未能長期保持佳態，加上下周中歐聯16強首回合要硬撼ＰＳＧ，既然聯賽落後太多，今場重要性變得冇咁高，主帥朗奴高文或會收起部分主力，好似上仗聯賽贏貝迪斯咁，隊長美斯都係先列後備，今仗隨時照辦煮碗。
艾拉維斯攻力疲弱
仍然喺下游徘徊嘅艾拉維斯，今季聯賽只入19球，係依家西甲入波第3少嘅球隊。攻力疲弱為搶分護級，惟有先做好防守，睇番佢哋近8仗作客聯賽，7次半場開1球或以下，證明初段夠集中幾守得。睇番巴塞近期演出亦慢熱，各項賽事近7仗半場全開1球或以下，預計初段老鼠拉龜、冇碇埋手，1.5球嘅半場細有買趁早。