李斯特城射手占美華迪早前受傷，球隊先後喺愛華頓及列斯聯身上失分，上場作客狼隊，呢名34歲前鋒終於傷愈後備上陣，可惜喺補時階段頭槌攻門唔中目標，錯失絕殺機會，狀態明顯未返嚟。「狐狸」周末聯賽將於主場硬撼利物浦，對於佢哋爭逐前4名絕對關鍵，為免觸傷舊患，相信華迪今仗有份落場都唔會去得太盡，李城攻力自然打折扣。
白禮頓防線守得穩
白禮頓踏入2021年後於各項賽事9場只輸1仗，唯一輸波係作客0比1不敵曼城，其餘先後贏過列斯聯、熱刺及利物浦等實力分子，絕對唔係靠「符碌」，依家佢哋喺英超領先尾3嘅富咸10分，護級壓力稍為紓緩，可以放多啲精神喺盃賽。白禮頓近8場比賽只有1次單場入多過1球，另有4場保持冇失波，亦冇試過失多過1球，7次開2球或以下，穩守突擊最啱佢哋發揮，預計今場入波唔會多。【华体网波经频道】