英超護級分子富咸主場迎戰前列勁旅李斯特城，富咸雖然有地利優勢，但實力始終同對手有一段距離，唔想先失波，必採取穩守突擊戰術；至於李城因有首席射手占美華迪養傷，攻力大受削弱，今場想入波亦唔容易，考慮到富咸近10場聯賽有8場開兩球或以下，首選2.5球細盤。
（Now 622周四凌晨2時直播）
富咸死守頂得兩嘴
富咸今季升上英超之後，踢咗20場聯賽僅得兩勝，而且只入17球，換言之平均每場入波唔夠1粒，實力似乎仲未夠班。領隊柏加深知球隊實力有限，無論對住同級球隊或前列勁旅，大部分時間都採取保守踢法，目標係搶得1分得1分，包括今季主、客兩循環聯賽對另一支護級球隊白禮頓，最終踢成0比0和波收場。而遇上勁旅時，富咸更加會屯重兵防守，而且效果不俗，其中主場對利物浦及作客熱刺都打和1比1，作客曼城以及主場對車路士就算落敗，亦只係輸一球起、兩球止，甚少大敗。
另一邊廂，「狐狸」李城缺少主力射手占美華迪對攻力影響極大，呢位前鋒今季英超射入11球，佔球隊聯賽總入球近3分1。「華Dee」缺陣，李城上輪主場即以1比3不敵列斯聯，吸取教訓下今仗料會加強防守，加上「狐狸」近4場聯賽作客亦有3場開出兩球或以下，入球細捧得過。【华体网波经频道】