您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]李城半場和要追

体育焦点赛事比分直播频道及预告
3月1日0:30 切尔西vs曼联 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
林柏特保飯碗車仔縮住踢
今晚英超尾場大戰,「狐狸」李斯特城主場迎戰車路士。「狐狸」雖位居前列,但主場表現反而唔及作客,而且占美華迪上仗傷出,難免影響攻力,車仔聯賽戰績遠遜預期,同主帥林柏特亂點鴛鴦有關,為保帥位一定先求穩陣,加上近年碰頭旺開半場和,不妨追多鋪。

(Now 621及611周三凌晨4時15分直播)

李斯特城今季異軍突起,除咗老將「華Dee」占美華迪士哥不斷外,哈維班尼斯、占士麥迪臣等土炮亦表現搶鏡。不過要留意,與今季9場聯賽客場贏7場相比,「狐狸」今季9場聯賽主場僅獲4捷,單計近5場聯賽主場,只得2勝1和2負,包括輸畀弱旅富咸。

華Dee有傷未必夠弗
雖然主帥羅渣士一直希望加強應付陣地戰,不過「狐狸」最煞食嘅依然係突擊,亦係主場面對龜縮客軍束手無策嘅主因,而「華Dee」上仗贏修咸頓臨尾拉傷被換出,就算出得都未必夠弗。

車仔季前重金收購夏維斯、迪姆華拿等新兵,但佢哋遲遲未融入球隊,前者更適合出任無鋒陣嘅箭頭,透過不斷走動拉散對手防線,製造空位畀速度奇高嘅華拿突破,可惜主帥林柏特畀夏維斯試勻晒多個中場位置,只係暴露佢攻強守弱嘅問題,華拿冇中鋒掩護下頻頻失機,「林伯」排陣失當責無旁貸,難怪近7場聯賽僅2勝,上仗收起呢對德國孖寶,有番基奧特亦久攻不下打少個嘅富咸,直至末段先靠美臣蒙特奠勝,進攻毫無章法。

而且車仔今季遇強即屈,先後輸畀利物浦、曼城及阿仙奴,只能打和熱刺及曼聯,連歐聯入場券都未必能夠爭到手,「林伯」深明班主阿布拉莫域炒領隊絕不手軟,今場一定小心翼翼。兩軍近5次交手各得1勝3和1負,其中4場開半場和,半場波膽皆為0比0,睇得出每次碰頭大家都穩陣行先,半場和值得再追。【华体网波经频道】
    另类波经 更多>>

    最新完场正在直播live!