您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]曼聯大進擊

体育焦点赛事比分直播频道及预告
1月25日01:00 曼联vs利物浦 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
狂炸般尼為「雙紅會」造勢
聖誕新年過後英超繼續開快車,周三凌晨尾場有般尼主場硬撼曼聯。曼聯今場只要唔輸,即可壓住利物浦過吓「1哥癮」,為嚟緊「雙紅會」造勢,可惜防守問題未見改善,中堅艾歷拜利上仗更受傷,呢支作客「大」王隨時以攻代守,造訪近況回勇嘅般尼,捧2.5球嘅入球大更明智。

(Now 622周三凌晨4時15分直播)

曼聯於英足盃小勝屈福特晉級,而且於聯賽愈戰愈勇,近10場聯賽豪取8勝2和未輸過,狂轟24粒。以般奴費南迪斯、拉舒福特為首嘅鋒線,火力全開,「般費」自上年2月加盟後,30場英超射入19球及14次助攻,單計今季聯賽就攻入11粒及7次助攻,令保羅普巴、雲迪碧克等不得不屈居後備,絕對係推動紅魔進攻嘅靈魂人物。

拜利缺陣後防易失波
不過要留意嘅係,曼聯隊長哈利馬古尼時好時壞,另一中堅域陀連迪路夫因有傷及表現欠穩,近期已被貶為後備,但代替佢嘅艾歷拜利經常受傷,日前對屈福特同門神甸恩軒達臣撞埋一堆,被迫退下火線,今仗未必出得,令防守大打折扣。紅魔開咧16場聯賽,只得4場保持清白之身,其中7場作客全部有失波,全開3球或以上,能夠取得6勝1和,全靠強大攻力掩飾防守嘅不足,單係6場勝仗都係反勝,可見一斑。

曼聯依家打少一場下與榜首利物浦同分,只要今場有分落袋,便可升上榜首過吓「1哥癮」,必定搶攻,為下場聯賽「雙紅會」造勢。

另一邊廂,般尼仍要為護級搶分,戰意不在曼聯之下,近9場聯賽取得4勝3和僅2負,包括擊敗阿仙奴同狼隊,共搶15分,狀態比季初有顯著改善。何況近日傳出有美國商人快將入主消息,般尼一定更落力爭取表現,紅魔想贏都唔易,不妨轉捧2.5球嘅入球大。【华体网波经频道】
    另类波经 更多>>

    最新完场正在直播live!