今晚意甲尾場有前列大戰，衞冕嘅祖雲達斯主場火併5哥薩斯索羅。祖記上仗打破榜首AC米蘭不敗身，重燃爭標希望，「星二代」費達歷高基艾沙更省兩粒，信心返晒嚟，面對遇強即屈嘅薩斯索羅可食住上，直取讓球主勝。（myTV Gold 301、Now 638、有線654、614、662及602台周一凌晨3時45分直播）
經過表現飄忽嘅上半季後，祖記主帥派路已經搵到「說明書」，表面上排出442陣式，但費達歷高基艾沙作為一名右中場，喺進攻嗰陣不時以右翼姿態殺上，形成433陣式，靈活地移動，令對手防不勝防。祖記喺歇冬後2連勝之餘，更狂入7粒，前線嘅C朗、費達歷高基艾沙及保羅戴巴拿佔咗6粒，火力全開，其中上仗憑基艾沙梅開二度，作客以3比1擊敗榜首AC，打破對手今季聯賽不敗金身，未計今輪，4哥祖記依家落後AC7分，但打少1場，爭標仍未絕望，今仗實搏甩髀。
薩斯索羅走樣遇強即屈
雖然薩斯索羅只落後祖記1分，但狀態遠遜季初，近8仗聯賽只曾3勝，最慘係陣中首席射手杜文尼高貝拉迪要休養到2月，攻力受削，令老將卡佩圖孤掌難鳴。而且薩斯索羅今季聯賽3場敗仗，咁啱係都輸畀前列分子阿特蘭大及米蘭雙雄，明顯對親強隊都腳仔軟，今仗造訪止跌回升嘅祖記，凶多吉少，讓球主勝咪錯過。【华体网波经频道】