您的位置:华体波经 >> 港澳报刊 >> 太阳日报太阳拆局 >> 详细内容

    [太阳拆局]羅馬國米大駁火

体育焦点赛事比分直播频道及预告
1月4日00:30 切尔西vs曼城 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
踢法豪邁有前冇後
今晚意甲早場羅馬主場出擊對第2位國際米蘭,「雌狼」羅馬走勢凌厲,取得3連勝,而且踢法豪邁,近6場聯賽有5場總入球達4球或以上,加上擁有地利支持,勢必繼續主攻。國際米蘭上場大意輸波,今場有射手盧卡古復任正選,攻力有保證,預料雙方將會大駁火,首選2.5球嘅入球大。(myTV Gold 301、Now 638、有線654、614、662及602台周日晚7時30分直播)

羅馬喺教練方辛加執教之下,大踢激情進攻足球,16場聯賽已經轟入35球,皆因球隊進攻點夠多,迪斯高、維列度、米希達利恩都有數胡能力,甚至連皇馬借將馬約萊爾近期都有佳作,上場更加梅開二度,中前場火力十足。

不過,「雌狼」主攻嘅同時,防線難免比較空虛,所以不時出現大比數賽果,以近6場聯賽為例,有5場總入球達4球或以上,當中既可以大勝博洛尼亞5比1,但亦曾以1比4大敗於阿特蘭大腳下,主場對弱隊卡利亞里,都失咗2球,起伏甚大。

干地遣強陣用盧卡古攻堅
「藍黑兵團」國際米蘭教練干地上場輕敵,正選陣容收起首席射手盧卡古,搞到1比2不敵森多利亞,聯賽8連勝斷纜。其實「藍黑軍團」上場可以唔使輸,只因阿歷斯山齊士射失12碼累事。干地吸取教訓之後,相信今場會打醒十二分精神,派番盧卡古踢正選。呢位比利時國腳今季意甲已經有12球進帳,僅次於C朗,加埋已入咗9球嘅拿達路馬天尼斯,呢對鋒線組合足以撕破羅馬防線。

國米今季16場聯賽每場都有波入,合共攻入41球,但同樣防線不穩,近7場聯賽僅1場不失波,最好都係揀入球大比較穩陣。【华体网波经频道】
    另类波经 更多>>

    最新完场正在直播live!