您的位置:华体波经 >> 港澳报刊 >> 太阳日报太阳拆局 >> 详细内容

    前鋒誓炒飛腳開封王P

体育焦点赛事比分直播频道及预告
1月25日01:00 曼联vs利物浦 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
一再推遲嘅日職封王派對,好大機會喺今日上演!喺榜首遙遙領先嘅川崎前鋒,今午主場對次席嘅大阪飛腳,只要保持不敗,就可以提前贏得日職冠軍,以前鋒超強攻力、今季主場超班戰績,加上必勝決心,睇好佢哋贏波捧盃,前鋒讓1球必捧上盤。(有線661及601台周三下午5時30分直播)

前鋒上仗作客倒灶,以0比1不敵三神,另邊廂飛腳贏紅鑽2比1,踢完上輪,前鋒領先飛腳14分,聯賽尚餘5輪,數字上前鋒仍未封王,今輪同次席飛腳直接對決可謂天意,前鋒只要拎多1分就可以捧盃,不過假如飛腳贏波,前鋒嘅封王派對就要繼續押後。

主場超班鑊氣夠
講番上輪聯賽,前鋒擊敗水手後僅休息2日匆匆上陣,面對休戰期長達18日嘅大分三神,前鋒球員體力輸蝕處於劣勢,谷口彰悟上半場被罰12碼兼領紅,結果畀三神隊長野村直輝一箭定江山,前鋒輸0比1,亦係佢哋近4輪第2場敗仗。

相比之下,飛腳同樣需要應付頻密賽程,冇體力優勢,佢哋近期表現同樣波動,近4仗錄得2勝1和1負,包括主場對榜末弱旅仙台維加泰淨吞4蛋,以其近況相信無力做前鋒攔路虎。睇番前鋒今季表現相當超班,當中主場錄得13勝1和1負,贏超過1球嘅勝仗多達8場,今仗讓1球,捧上盤可立不敗之地。【华体网波经频道】
    另类波经 更多>>

    最新完场正在直播live!