您的位置:华体波经 >> 港澳报刊 >> 太阳日报太阳拆局 >> 详细内容

    羅拔仔弗爆波蘭唔赦荷蘭

体育焦点赛事比分直播频道及预告
11月26日04:00 国际米兰vs皇马 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
A1組尾輪關鍵戰,波蘭主場硬撼荷蘭。雙方為出線都需要搶W,雖然呢組2哥荷蘭嘅新帥法蘭迪保亞上仗終於開齋,但表現只屬一般,波蘭上仗輸波而跌落第3,不過主場出擊分外醒神,王牌羅拔利雲度夫斯基近7國際賽仗轟6粒,仲有得受讓咁筍,讓球主勝咪錯過。

(有線603台周四凌晨3時45分直播)

荷蘭鋒線把握力曳
查實A1組形勢非常緊湊,2哥荷蘭同3哥波蘭,只落後榜首意大利1分及2分,佢哋想出線,除咗要今仗贏波外,仲要望意大利失分,但無論如何,雙方都會先做好贏波本分。荷蘭上仗以3比1擊敗波斯尼亞,新帥法蘭迪保亞接手後5仗終於首度贏波,不過佢哋鋒線真係「蜀中無大將,廖化作先鋒」,對上13個入波,中場韋拿杜姆竟然佔咗7粒,翼鋒迪比同貝雲積只係各入1球,當中迪比表現更遠遜預期,正中鋒盧克迪莊亦質素有限,前鋒把握力難靠,加上鐵衞華基爾雲迪積克重創長抖,尼敦阿基又受傷,防線唔係咁穩陣。

波蘭上仗有中場哥拿爾斯基領紅牌被逐下,作客意大利淨吞兩蛋,想出線今仗非勝不可。好彩波蘭返自己地頭比賽特醒,近9次主場出擊,取得7勝2和未輸過,其中有7仗保持清白之身,唔講得笑。雖然王牌羅拔利雲度夫斯基踢國際賽唔及喺拜仁咁誇張,但近7次為波蘭上陣亦入咗6粒,一樣弗爆,絕對唔赦荷蘭,主場受讓值得捧場。【华体网波经频道】
    另类波经 更多>>

    最新完场正在直播live!