您的位置:华体波经 >> 港澳报刊 >> 太阳日报太阳拆局 >> 详细内容

    光輝FC上海強細登場

体育焦点赛事比分直播频道及预告
11月26日04:00 国际米兰vs皇马 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
東亞區分組賽今日重開
新冠肺炎影響延期超過大半年嘅亞冠盃東亞區分組賽重開,15支球隊於未來1個月會師卡塔爾,決出東亞區冠軍,再與早前攞到西亞區冠軍嘅伊朗代表柏斯波利斯競逐最終王者寶座;今晚打頭陣有F組珀斯光輝鬥FC上海(上海綠地申花),FC上海有唔少傷兵,加上以往喺亞冠盃鬥澳職球隊輸多贏少,今場料打守勢波,2.5球入球細捧得過。

(Now 670、有線611及651台周三晚6時直播)

受新冠肺炎疫情拖累,今屆亞冠盃舉行日期一改再改,最終亞洲足協決定取消主、客制,改以「賽會形式」喺中立場卡塔爾舉行,西亞區比賽早前已率先喺9月份復賽,結果來自伊朗嘅柏斯波利斯力退群雄,成功奪得西亞賽區冠軍;東亞區賽事原定10月份展開,不過由於早前多國疫情出現反彈,故此要延至今日才正式重開。

上海傷兵多 光輝未操起
東亞區(E至H組)賽事原本由16支球隊競逐8個出線席位,不過由於G組嘅馬來西亞代表柔佛DT受到該國政府出境限制,未能前往卡塔爾參賽,故此已宣布退出,佢哋之前對神戶勝利船及水原藍翼嘅成績將不計算在內,如今由餘下3隊(同組尚有FC廣州)競逐兩個出線席位。

今晚首場復賽由F組珀斯光輝鬥FC上海;FC上海喺剛結束嘅中超球季攞到第7名,當中喺改制後嘅爭標組淘汰賽對戰上海SP及FC重慶,同樣都係鬥到互射12碼先至落敗,表現唔曳;不過佢哋目前陣中有唔少傷兵,前鋒楊旭、後衞趙明劍及中堅朱辰傑都未有隨隊,哥倫比亞前鋒兼隊長祖雲尼摩蘭奴、喀麥隆守將麥比亞、前國腳馮瀟霆雖有機會傷愈披甲,但狀態未足。

睇番FC上海對上5次喺亞冠盃鬥澳職球隊只得3和2負,今次殘陣出擊更難搶得甜頭;珀斯光輝自從8月尾踢完最後1場澳職季後賽,已經接近3個月冇正式比賽,相信亦未必可以咁快上力,FC上海近7場亞冠盃有5次總入球開2球或以下,今場首選入球細。【华体网波经频道】
    另类波经 更多>>

    最新完场正在直播live!