您的位置:华体波经 >> 港澳报刊 >> 太阳日报太阳拆局 >> 详细内容

    尼格度倒戈皇馬獻細

体育焦点赛事比分直播频道及预告
10月25日0:30 曼联vs切尔西 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
雙雄分途出擊
皇家馬德里周日凌晨西甲主場出擊,迎戰同市球隊卡迪斯,一支係上季冠軍、一支係新升班球隊,牌面上無疑係強弱懸殊,不過卡迪斯頭5輪賽事有2勝1和2負成績,而且2場勝仗都係作客,當中35歲老將尼格度更加係核心人物,今場倒戈皇馬將成焦點人物。皇馬跨季近5次聯賽主場有4次開2球或以下,推介中位數2.5球嘅入球細。

(Now 632周日凌晨零時30分直播)

前西班牙國腳尼格度喺西甲入波超過100球,並且曾2度加盟皇家馬德里,但最諷刺嘅係,佢從來未為皇馬上陣。2005年第1次加盟皇馬只係踢B隊,2年之後就被賣去艾美利亞;2009年皇馬啟動回購條款將尼格度買番嚟,但只係經歷季前熱身賽後,同一個夏天就將佢賣畀西維爾,嗰度亦係尼格度真正上位嘅地方。

已經35歲嘅尼格度踢過曼城、華倫西亞、米杜士堡等球隊,近年遠赴阿聯酋踢艾拿沙掘金,估唔到今季竟然有機會回流西甲,除咗上輪坐波監之外,尼格度喺頭4輪聯賽都有上陣兼拎到1個入球,今場復出倒戈皇馬前,佢接受西甲官方電視訪問聲言:「雖然我年紀好大,但仍然想喺西甲踢出最佳狀態,我會以球隊為先,利用自己經驗幫助隊友,今季目標係留喺甲組,我哋會戰鬥到底。」

由上季西甲停擺至今,皇馬主場巴拿貝球場停用,搬到B隊主場迪史提芬奴球場比賽,每場都係贏波為本,不求悅目,皇馬上季尾能夠後上重奪西甲冠軍,可見其戰術成功。今季皇馬繼續使用B隊主場作戰,首次主場賽事就以1比0小勝華拉度列,今場對卡迪斯預計都係小勝格,捧2.5球細盤。

巴塞有料到半場爆基
同晚西甲仲有基達菲主場迎戰巴塞隆拿。基達菲季初戰績不俗,開季3戰錄得2勝1和,不過臨近國際賽檔期一仗,卻以0比3大敗於皇家蘇斯達腳下,打擊信心。巴塞實力高一班,聯賽近9次交手8勝1和,當中7次半場領先,今仗贏面甚高,博好分可揀半場客勝。

(Now 632及611周日凌晨3時直播)【华体网波经频道】
    另类波经 更多>>

    最新完场正在直播live!