您的位置:华体波经 >> 港澳报刊 >> 太阳日报太阳拆局 >> 详细内容

    最激默郡打吡拖肥升呢抗紅軍

体育焦点赛事比分直播频道及预告
10月25日0:30 曼联vs切尔西 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
超級星期六過足波癮
經過兩周國際賽期,英超周六回歸即上演「超級星期六」好戲碼!先嚟「默西賽德郡打吡」,然後車路士、曼城、阿仙奴及曼聯等「Big 6」輪流登場,等球迷過足波癮!頭場愛華頓主場鬥利物浦,「拖肥」近年於主場出戰打吡不落下風,加上喺領隊安察洛堤打造下,開季7連勝弗到爆偈,對住後防有隱憂嘅「紅軍」可立不敗之地,必捧讓球主勝。

(Now 621及611周六晚7時30分直播)

愛華頓近年成績雖唔及同市死敵利物浦,但對上8季聯賽喺葛迪遜公園球場碰頭,「拖肥」只輸過1次,而且嗰場仲要力戰至補時先失守僅輸0比1。佢哋今季加入占士洛迪古斯、阿倫盧利奧及杜哥利3大中場後全面「升呢」,聯賽連盃賽7連勝,成為球會自1894/95球季以來最佳開季,唔少球迷開始期望「拖肥」可一搔34年之癢,贏得頂級聯賽冠軍,如果今場贏波,就證明佢哋有咁嘅本事。

今季首戰英超嘅「J神」占士洛迪古斯盡顯身價,聯賽已交出3個入球及2次助攻,其超卓表現造就前鋒卡維特利雲大爆發,後者今季攻入9球,其中聯賽以6球同孫興民並列射手榜首位,佢同「肥安」更獲選英超9月份最佳球員及領隊,成隊波目前信心處於頂點。

利物浦防線不復往昔
利物浦喺國際賽前作客阿士東維拉大敗2比7,嗰場因確診新冠肺炎而避戰嘅堤亞高艾簡達拿及沙迪奧文尼,據報已康復有望復出,不過「紅軍」大敗主因,係後備門將阿祖安卡斯迪路初段送禮,打擊一眾後防球員嘅信心,首席門將艾利臣比加繼續缺陣,阿祖安隨時再成負累。「紅軍」今季防線穩健不如往昔,加上拿比基達早前代表畿內亞時又告確診,中場防守力再受打擊,面對開季7戰轟24球嘅「拖肥」,恐難保不失,「紅軍」作客讓波信唔過,讓球主勝抵玩。【华体网波经频道】
    另类波经 更多>>

    最新完场正在直播live!