您的位置:华体波经 >> 港澳报刊 >> 太阳日报太阳拆局 >> 详细内容

    拜仁大炮喪轟西維爾

体育焦点赛事比分直播频道及预告
10月25日0:30 曼联vs切尔西 【足球比分直播网站】:live.sportscn.com
对阵分析 赛事前瞻 亚洲详盘 欧赔 【分类即时比分直播】 足球赔率 篮球比分直播 nba比分直播 网球比分直播
派完8蛋霸氣爭盃
一年一度嘅歐超盃今晚喺中立場匈牙利舉行,由上屆歐聯盟主拜仁慕尼黑火併歐霸冠軍西維爾。拜仁劍指6冠王,日前聯賽狂數史浩克04霸氣十足,對手西維爾亦經常喺歐超盃同對手駁火,3.5球嘅入球大有買趁早。

(myTV Gold 303、Now 643、有線656及616台周五凌晨3時直播)

拜仁上季榮膺3冠王,歐聯更以11連勝走勢封王,成為史上首支歐聯單季取得全勝嘅球隊,真係堅威水。雖然西班牙中場堤亞高艾簡達拿離隊,但嚟到今季氣勢未減,喺德甲揭幕戰不費吹灰之力,大炒史浩克8比0,箭頭羅拔利雲度夫斯基繼續有士哥,雖然「羅拔仔」嗰場受傷,但有消息話佢趕及今仗披甲。

基拿比辛尼弗爆火力增
至於拜仁嘅「傳奇Robbery」洛賓同列貝利亦終於搵到接班人,基拿比同新加盟嘅利萊辛尼穿上佢哋嘅7號同10號波衫,即刻有貨交,前者大演帽子戲法,辛尼亦省1粒兼交出2次助攻,令火力進一步升呢,若拜仁贏埋歐超盃、德超盃及世冠盃,便能達到2009年巴塞隆拿史無前例嘅6冠王成就,因此相信佢哋對呢隻歐超盃志在必得。

另一邊廂,上季西甲4哥西維爾,上屆擊敗國際米蘭第6次勇奪歐霸盃,歐霸之王絕非浪得虛名。雖然中場大腦班尼加去咗中東掘金,左閘利古朗被皇馬收番後轉投熱刺,但老將拿傑迪錫從巴塞回巢,佢近日更宣布退出克羅地亞國家隊,專心為西維爾打江山,連同盧克迪莊、蘇索、奧甘波斯、迪亞高卡路士等功臣,實力未有太大削弱。由於西維爾經常捧歐霸盃,因此參加歐超盃嘅機會唔少,雖然之前5次參賽僅1次封王,但佢哋好肯同對手鬥攻,單計近4次出戰歐超盃,就有3次開4球或以上,預計今仗會再演入球騷,大盤咪錯過。【华体网波经频道】
    另类波经 更多>>

    最新完场正在直播live!