[太阳拆局] 两射手养精蓄锐 巴塞主场明恰皇苏
2023-1-25 10:16

西班牙盃8强,两支近况大勇嘅球队交手,巴塞隆拿主场迎战皇家苏斯达。巴塞今场有两大攻击手,罗拔利云度夫斯基同费伦托利斯上场联赛停赛後复出,养精蓄锐应付今场,皇家苏斯达态勇,但近年畀巴塞食住,睇嚟都好难打破魔咒,热捧主胜。

(周四凌晨4时开赛)

罗拔佬曾两破皇苏大门

今季系沙维喺巴塞完整接手嘅一季,呢支西甲传统劲旅势头甚好,近几场联赛赢晒,反压皇马排榜首,早前喺西超盃决赛更击败呢支死敌夺冠。嚟到西班牙盃16强斗丙组仔施奥达,都派遣大量正选上阵,大炒对手5蛋杀入8强,可见沙维喺欧联分组赛未能进身淘汰赛後,决意喺国内立威,希望尽擸西甲同西盃。


啱啱联赛巴塞仅以1比0小胜基达菲,罗拔利云度夫斯基同费伦托利斯因停赛无上阵,反而今场西盃可以复出,巴塞阵容更加完整,罗拔仔喺联赛首循环曾经两度射破皇苏大门,助球队作客赢4比1,有佢在阵唔愁无波入。


皇家苏斯达今季发挥确系醒神,不过始终多年都畀巴塞克住,近7次交手只得1和6负惨烈对赛成绩,格食格味浓,今场巴塞有望凭地利文章来源华体华体网(sportscn.com)赢波晋级。不过,皇家苏斯达世盃後7场全胜,巴塞未必能够予取予携,随时小胜收场,锺意博赔率嘅朋友,不妨小注让球和。






最新赛事分析

港澳报刊荟萃

体育新闻速报