[太阳拆局] 世界盃唔想再失威 德国绝地大反击
2022-12-01 11:16

E组关键战,哥斯达黎加硬撼德国。德国一定要赢先保出线希望;哥斯达黎加为晋级同样要搏,佢哋近年喺世盃面对欧洲球队例演入球骚,3.5球入球大值得捧场。文章自华体


(Now 619及617周五凌晨3时直播)


哥斯达黎加对欧洲兵多失波

4届冠军德国现时仅有1分喺手,不过亦只落後哥斯达黎加同日本2分,若然日本今轮输波,德国赢波就可以出线,假如日本打和,德国就要赢2球或以上先肯定晋级;另一情况系日本赢到西班牙,如果「狂牛」只系仅输,得失球仲有好大优势,依家得失球为-1嘅德国要大胜先有生机。德国上轮逼和西班牙,表现已见改善,预计入波功臣富克洛同伤愈嘅利莱辛尼会齐齐担正,配合新星穆斯亚拿,攻力够保证,为免连续两届分组赛出局咁肉酸,必全力抢攻。



哥斯达黎加现时同日本同分,今仗若果打和,就要望日本输波,踢法唔能够太保守。佢哋阵容老化及缺乏对抗性,面对欧洲球队难免输蚀,近两次世盃对欧洲代表共失9球,全开4球或以上,包括今届首轮吞西班牙7蛋,既然客W冇肉食,3.5球大盘相对抵玩。







最新赛事分析

港澳报刊荟萃

体育新闻速报