[太阳拆局] 锋线疲弱!沙特波兰捱细界
2022-11-26 12:08

世杯C组次轮,首仗爆冷击败阿根廷嘅沙特阿拉伯,将会同欧洲球队波兰正面交锋。沙特阿拉伯球员体能同速度极佳,逼抢踢法极具效率,连火力强劲嘅阿根廷都冇啖好食,今仗对住进攻板斧唔多嘅波兰,有力继续靠防守抢分,2.5球入球细值得捧场。 

(Now 618及616周六晚9时直播)


沙特阿拉伯上场一鸣惊人,法国籍领队连纳特嘅风格向来系以守为先,尤其沙特阿拉伯球员体能异常强大,满场飞嘅踢法令对手难以组织攻势。沙特阿拉伯近20场比赛,有19场总入球开2球或以下,包括对0比1输畀克罗地亚、1比0赢冰岛同1比0赢北马其顿3支欧洲球队,今场对住波兰预计亦会系1球上落。

「罗拔仔」12码宴客失信心


波兰上仗同墨西哥踢成0比0平手,佢哋呢场波只有两次命中目标攻门,王牌前锋罗拔利云度夫斯基更加12码宴客,可见呢位「金球奖」前锋状态同信心都系水平之下,波兰嘅进攻向来旨意「罗拔仔」,呢位射手失准会令波兰锋力大受削弱,要攻破士气高昂嘅沙特阿拉伯唔容易,博入球细最好路。







最新赛事分析

港澳报刊荟萃

体育新闻速报